A medida que se achegan os Nadais, os atletas lucenses
prepáranse para a que se converteu nunha cita ineludible os últimos nove anos. Trátase da Lugo Monumental, carreira que converterá a cidade nun gran circuíto o domingo 19 de decembro. A proba está
limitada a 1.500 corredores e os interesados en participar poden inscribirse desde onte na páxina www.championchipnorte.com, web, á que tamén poderán acceder a través de www.lugo.es ou
www.elprogreso.es.
A inscrición en liña estará reservada a 1.300 participantes, xa que para as restantes 200 prazas a anotación será presencial na Concellería de Deportes, na piscina municipal de Frigsa, onde se
ofrecerán folletos con información sobre a cita, do mesmo xeito que na sede do Progreso, no número 5 da rúa Ribadeo. O prazo finaliza o mércores 15 ás 20.00 horas ou cando se chegue ao límite de
atletas previsto. Os interesados en acudir deberán pagar dous euros, aos que se sumará un no caso de que teñan que alugar un chip ao non ter o chip amarelo.
Os participantes dividiranse da seguinte forma: categoría E para nados entre 1989 e 1994; F entre 1975 e 1988; G entre 1965 e 1974; H entre 1955 e 1964; I entre 1945 e 1954; e J para os nados en
1944 ou antes. Para os máis pequenos, a carreira será puntuable para o circuíto Corre connosco e distribuiranse, como vén sendo habitual na cita, nas categorías Mini, A, B, C e D.
Os dorsais e os chips para acudir á proba entregaranse aos atletas o día antes da carreira, o sábado 18 de decembro, na carpa da organización situada na parte traseira do Concello de Lugo, na Praza
Maior, entre as 17.00 horas e as 20.30. Así mesmo, tamén poderán recollelos o día da proba entre as 9.00 e as 10.30.
A carreira onte polo concelleiro de Deportes, José Manuel Díaz Grandío, o xefe de vendas en Lugo de Divina Pastora, José María López, o subdirector de publicidade do Progreso, Luís Barrio, e o
delegado da Federación Galega, Manuel Castiñeira.
Repartiranse máis de sete mil euros. Os seis primeiros clasificados na categoría masculina e feminina levarán premio en metálico.
O Progreso regala unha viaxe. O diario O Progreso premiará cunha viaxe para dúas persoas ao atleta nacido en Galicia que pase primeiro por métaa volante situada fronte á sede do xornal, na rúa
Ribadeo. Este atleta debe finalizar entre os vinte primeiros. Outras entidades locais tamén darán premios. Cartel
Diptico
Nota de prensa do Diario O Progreso de Lugo