25 N – Día Internacional da Eliminación da Violencia contra as Mulleres

Isidoro Hornillos Baz

Castronuño (Valladolid), 1957.
presidente@atletismo.gal
https://www.facebook.com/isidoro.hornillos

Formación académica


Doutor en Educación Física (Universidade da Coruña, 2000); Licenciado en Educación Física (Universidade Politécnica de Madrid; INEF Madrid, 1986); Máster no alto Rendemento Deportivo (Universidade Autónoma de Madrid e Comité Olímpico Español, 1996); Especialista en Fisioloxía do Esforzo (Universidade de Santiago de Compostela, 1989). Adestrador Nacional de Atletismo (Escola Nacional de Adestradores da Real Federación Española de Atletismo, 1989); Curso de Medicina e Ciencias do Deporte (Comité Olímpico Español e Federación Española de Medicina Deportiva, 1993; Asistente a máis de 100 Congresos; Xornadas, Seminarios e Cursos sobre Educación Física e Deportes.

Situación profesional


Profesor da Facultade de Ciencias do Deporte e a Educación Física (Universidade da Coruña), desde 1990. Na actualidade imparte as materias de Avances en adestramento de forza muscular; Habilidades Atléticas e a súa Didáctica. Prácticum; Traballo Fin de Grao. Outras impartidas: Aplicación Deportiva Específica I e II. Mestría de velocidade. Mestría de saltos.Terceiro Ciclo. Programas de Doutoramento. Cursos de Posgrao e de Máster. Tamén Teoría e práctica do acondicionamento físico(Facultade de Ciencias da Educación). Así mesmo é profesor na actualidade de Actividade Física Saudable (Universidade Senior da Coruña) e da Escola Galega de Adestradores da Federación Galega de Atletismo.

Publicacións


Autor de 23 libros e capítulos e de máis de 100 relatorios e comunicacións en Congresos Nacionais e Internacionais de Educación Física e Deportes sobre temas vinculados, prioritariamente, ao adestramento da condición física, en especial sobre a forza muscular e a velocidade; talentos deportivos; planificación deportiva e Deporte Escolar. Tamén publicou máis de 100 artigos de opinión no diario galego La Voz de Galicia sobre diversos aspectos do atletismo.

Experiencia como atleta


Foi internacional coa Selección Española Absoluta de Atletismo en 26 ocasións; Deportista olímpico nos Xogos de Moscova 1980 (400 e 4×400), Tres veces Campión de España Absoluto; Campión de España Junior; Dúas veces Campión de España Escolar; Catro veces, Campión de España Universitario; Tres veces, Campión de España dos Xogos Sindicais; Campión de España Militar. 14 pratas e 2 bronces en diferentes Campionatos de España federados. Foi plusmarquista de España Absoluto de Aire Libre en 400 metros; 4×400; (Aire Libre) e de 200 e 300 (Pista Cuberta). Bronce nos Xogos Iberoamericanos (400) e Xogos do Mediterráneo en 4×400 m. Na actualidade conserva o record galego absoluto e promesa de 400 metros de Aire Libre (46″24).

Experiencia na xestión deportiva


Dende 2007 ata a actualidade é presidente da Federación Galega de Atletismo, responsabilidade que compaxina coa presidencia da Unión de Federacións Deportivas Galegas (UFEDEGA) e membro da Xunta Directiva da Asociación Galega de Xestores Deportivos (AGAXEDE). Foi tamén membro da Xunta Directiva da Real Federación Española de Atletismo e da súa Comisión Delegada. Na actualidade forma parte da Comisión de Avaliación dos Deportistas Galegos de Alto Nivel (DGAN) da Xunta de Galicia.

Experiencia como técnico


Foi Director Técnico da Federación Galega de Atletismo (1988-2006), así como adestrador de velocistas internacionais e saltadores desde (1988 ata 1994). Tamén foi preparador físico do primeiro equipo de Hockey a Patíns Liceo da Coruña, nos que conseguiron todos os títulos: Liga española; Campión de Europa e Campión da Copa Intercontinental.

Premios e distincións


Premio Extraordinario de Doutoramento (Universidade da Coruña) correspondente ao curso 1999/2000, pola Tese Doutoral Forza máxima isométrica e explosiva na carreira rápida. Estudo con atletas galegos infantís e cadetes; Mellor deportista absoluto da provincia da Coruña no ano 1980 polo Consello Superior de Deportes; Medalla de ouro do Real Club Deportivo da Coruña (1981); Medalla de ouro do club Lucus de Lugo (2005); Medalla ao Mérito Deportivo da Xunta de Galicia (2012); Mellor Xestor Deportivo de Galicia (2012), designado pola Asociación Galega de Xestores Deportivos (AGAXEDE).

Presentación da nova web da Federación Galega de Atletismo