O pasado día 24 de setembro daba comezo en O Barco unha nova campaña do Deporte Escolar XOGADE, malia que sería esta fin de semana cando se disputaban as primeiras probas das fases zonais de campo a través nas localidades de Sada e Ferrol cun amplo número de colexios e entidades participantes.
Para este ano contarase cun total de 15 xornadas de cros destacando entre as mesmas, os campionatos provincias dos días 11 de febreiro en A Coruña e Ourense e a do día 12 do mesmo mes en Lugo e Pontevedra.
Para o campionato galego tanto a data como a sede que se barallan son a o día 4 de marzo na Pobra do Caramiñal, agardándose nas vindeiras datas confirmación ao respecto diso.
XOGADE
A campaña de actividade lúdico deportiva XOGADE (xogos galegos deportivos en idade escolar), é unha iniciativa promocionada e financiada pola Xunta de Galicia, co obxectivo de levar a actividade a todos os concellos galegos e brindarlles aos escolares a posibilidade de practicar e competir cos clubs e colexios de toda a comunidade autónoma.
O programa XOGADE combina o programa deportivo e competitivo (escolar e federado) cun programa lúdico e participativo para os escolares dos centros educativos de toda Galicia sendo o obxectivo primordial desta a promoción da saúde, a condición física e o benestar, sen esquecer nin deixar de lado o rendemento deportivo, pero asegurando que todos os escolares poidan ter acceso á práctica de actividades físico-deportivas sen que exista ningún tipo de discriminación.
Calendario XOGADE de campo a través
| Modalidade | Fase | Data |
| Pista | Zona Valdeorras | 23 de setembro |
| Campo a Través | Fase Zonal A Coruña | 12 de novembro |
| Campo a Través | Fase Zonal Ferrol | 13 de novembro |
| Campo a Través | Fase Zonal Santiago | 02 de decembro |
| Campo a Través | Fase Zonal Santiago | 17 de decembro |
| Campo a Través | Fase Zonal Ferrol | 17 de decembro |
| Campo a Través | Fase Zonal Ourense | 17 de decembro |
| Campo a Través | Fase Intercomarcal zona A Coruña | 14 de xaneiro |
| Campo a Través | Fase Zonal Ferrol | 15 de xaneiro |
| Campo a Través | Fase Zonal Santiago | 21 de xaneiro |
| Campo a Través | Fase Zonal Ourense | 21 de xaneiro |
| Campo a Través | Fase Intercomarcal zona Ferrol | 22 de xaneiro |
| Campo a Través | Fase provincial A Coruña | 11 de febreiro |
| Campo a Través | Fase provincial Ourense | 11 de febreiro |
| Campo a Través | Fase provincial Lugo | 12 de febreiro |
| Campo a Través | Fase provincial Pontevedra | 12 de febreiro |
| Campo a Través | Campionato Galego XOGADE | 04 marzo (por confirmar) |