O concello cordobés de Almodóvar del Río, xuntou esta fin de semana a un importante número de atletas que acudiron a tomar parte no Campionato de España de Campo a través máster nas modalidades de individual, por equipos e mixtos. Ata alí unha importante representación de atletas galegas e galegos acudiría a tomar parte.
Esther Pedrosa, medalla de prata
A nivel individual, a santiaguesa Esther Pedrosa lograba na categoría F55 unha medalla de prata que engadir ao seu extenso e dilatado palmarés atlético. Destacado foron tamén as actuacións na F60 de Elva Fernández e Esther Martínez do C.A.Sada, quenes ocuparon as posicións sétima e oitava respectivamente.
Na categoría masculina salientable oitavo lugar para Ricardo Vázquez do ADAS Proinor na M45
Tres medallas na modalidade clubs
Na modalidade de clubs o ADAS Proinor lograba o subcampionato nacional na categoría F40 grazas as actuacións das súas atletas Esther Rodríguez, Susana Arrua e Elena Ledo.
De igual modo o equipo feminino do Sada na F45 composto por Inés e Noelia Papín e Raquel Armesto, colleitaban un meritorio terceiro lugar nunha proba domiñada polo club Trops-Cueva de Nerja
No resto de categorías sexta posición para o ADAS Proinor e décimo noveno lugar para a SD Compostela na M45. Esta mesma formación santiaguesa ocuparía o décimo quinto lugar na M35
Novo podio para o ADAS na modalidade de relevos
Xa na modalidade relevos 35-44, novo podio para o club presidido por Tinín González, quenes colleitaban unha prata grazas ao traballo de José Talavera, Esther Rodríguez, Susana Arrua e Akka Essaadaoui
