De novo Ana Peleteiro conseguiría no día de hoxe un posto de finalista nun campionato do mundo como xa fixera hai dous anos en Londres. Nesta ocasión melloraría a sétima posición conseguida na capital británica ó ocupar o sexto lugar cun mellor salto de 14.27 m.
O posto da riveirense conseguido hoxe en Doha confirma a excelente traxectoria que mantivo ó longo deste ano no que logrou o récord de España absoluto con 14.73 m., así como o título de Campioa de Europa de pista cuberta. A pesar de todo iso, a saltadora internacional manifestaba o seu sabor “agridoce” xa que unhas molestias no pé de batida fixeron que non puidese estar a render plenamente na final.
O concurso da nosa triplista daría comezo co seu mellor salto de 14.47 m., que daría paso a un segundo de 13.41 m. e un nulo. Co pase á final xa asegurado, plantábase no cuarto intento con 14.27 na quinta posición das participantes, perdendo un posto nos dous últimos intentos onde non pasaría dos 14.20 m. a mans da colombiana Ibarguen quen remataría sendo bronce con 14.73
A proba sería gañada pola venezolana e clara favorita Yulimar Rojas con 15.37 m. sendo a prata para xamaicana Ricketts con 14.92 m.
