Un total de setenta e un atletas serán os que tomarán parte este domingo no Campionato de Galicia dos 10.000 m. que poderemos presenciar a partir das 10:45 horas nas pistas marinenses de A Raña.
Este campionato, que tamén celebra o autonómico dos 5.000 m. para as categorías masculinas Sub18 e Sub20 e feminina Sub20, servirá para a inauguración oficial das pistas atléticas que dotarán a comarca de maiores infraestructuras. Do mesmo modo é xusto lembrar que de aquí é Carlos de la Torre, un dos máis importantes corredores galegos da distancia que chegaría a tomar parte nos Xogos Olímpicos de Barcelona 92 e Atlanta 96.
Presencia de atletas destacados
No apartado competitivo e como atletas destacados, tomarán parte Ariana González do Trega quen defenderá sobre o sintético de Marín o seu título absoluto acadado nas dúas últimas edicións. Sonsoles Martín do ADAS Proinor, tentará repetir triunfo este ano na Sub20, o mesmo que o independiente José Manuel Vilasuso na M45.
Xunto eles contarase ca presenza dos tamén medallistas do ano pasado nas distintas categorías, Esteban Iglesias do Lucus Caixa Rural Galega, Amadeo Abal do Verxel Nutrición, Santiago Piñeiro do A.Samertolameu e Bilal Dahmouni da Atlética Lucense. Manuel Hurtado da Gimnástica, quen xa se impuxera no 2017, será un dos serios aspirantes o título autonómico absoluto.