![](/wp-content/uploads/webfga/public/fga_docs/PRESENTACION_CTO_VETE.jpg)
O I Campionato Galego de campo a través de veteráns “Concello de Fene” comezará este domingo ás 11 da mañá. A proba desenvolverase nun circuito de 1.200 metros,
habilitado nunha zona verde próxima ao paseo marítimo de San Valentín. Segundo explicou o vicepresidente do Club de Atletismo Fene, Marcelo Rodríguez, “trátase dun cirtuito chan aínda que conta
cunha zona (a que transcorre paralela á praia) que, seguramente, resultará algo máis pesada para os corredores pola cantidade de lama que ten”. En canto ao número de corredores/as que
poderían tomar parte no evento, o representante da delegación de Ferrol da FGA, Paulino Cartelle, afirmou que “a participación estimada ronda os 300 corredores/as”. Entre os/as atletas que
transmitiron o seu desexo de participar na proba, salientan nomes como Hassan Lekhili, Akka Essadaoui, José Luis Bouza, Rafa Fuentes, José González Bañobre ou as atletas Esther Pedrosa e Soledad
Castro.