El XXV Gran Premio Cantóns da Coruña chega hoxe á cidade coruñaesa coa participación dos mellores atletas de todo o mundo, que farán un percorrido de 10 quilómetros,
desde Praza de Mina ata Porta Real. A competición comezará ás 18.30 horas e a inauguración está en mans da categoría masculina. Unha hora máis tarde, ás 19.30 horas, as mulleres comezarán a marcha
atlética, que conta co apoio do Concello da Coruña, a Xunta de Galicia, a Federación Galega de Atletismo e a Real Federación Española de Atletismo.
A Coruña volve converterse na capital mundial da marcha, cunha carreira que este ano conta, ademais, co aliciente de ser a proba final da Challenge Mundial de Marcha. Como en pasadas edicións, á
competición acudirán os mellores especialistas do momento, entre os que se inclúen os últimos campións mundiais e olímpicos das categorías feminina e masculina. Mostra diso é a participación dos
atletas rusos Olga Kaniskina e Valeriy Borchin e os deportistas chineses Zhen Wang e Hong Liu.
A proba atlética empezou a celebrarse na cidade coruñesa desde o mes de maio do ano 1987 e rapidamente empezou a reunir á elite deste deporte, e desde entón mantén o atractivo para estes
deportistas, polo alto nivel de todos a competición e polo deseño do circuíto que permite aos participantes mellorar tempos persoais e bater marcas. Conxuntamente, celebrarase tamén a Xornada Final
do I Circuíto de Marcha Josefina Romeu para os mozos marchadores galegos Mais información
