Os mellores lanzadores galegos déronse cita este sábado en
Balaídos, neste primeiro Campionato galego de lanzamentos longos de inverno. E para harmonizar co nome, a climatoloxía acompañou. Ata que na última proba da tarde chegou unha mellor marca galega do
brazo de Lidia Parada (At Barbanza), a choiva fora a auténtica protagonista do campionato, condicionando as marcas e o desenvolvemento das probas.
En xeral destacar o bo nivel e a participación, con algunhas ausencias 
notables. A mañá comezou co disco feminino que gañou Belén Toimil (Narón) con 41.97m. A mellor marca en martelo feminino foi para a cubana Carmenza
Delgado (RIA), 47.73m. O martelo masculino foi a proba con maior participación e nivel, pero a intensa choiva impediu mellores rexistros. Isaac Vicente (Marathon) fíxose co triunfo con 65.35m.
Víctor Gallego (SGP) non tivo rival lanzando o disco a 50.83m.
O lanzamento de xavelina pechou a xornada, Manuel Uriz (UNIJ) gañou con 64.16m.
Lidia Parada (Barbanza), cun lanzamento de 45.85m volveu bater a marca galega junior de xavelina que xa mellorara en Toledo dia o día 12 con 44.68 m.
Fotos y crónica: Flor Currás