Novamente as nosas e nosos marchadores volveron a destacar na disputa do Campionato de España de Marcha en Ruta desenvolto durante esta fin de semana en Sevilla. O balance: seis medallas e un récord nacional.
Selección galega
A Selección galega acudía a este campionato con moita ilusión e gañas de facer un bo torneo. A ela acudía tanto a Selección masculina como feminina nos 10 km. quenes ocuparon a sexta posición.
O mellor marchador masculino foi Hugo Martínez quen entraba no vixésimo primeiro posto con 47:53. Xunto a él, no 33º Roi Surribas 50:40; 36º Ismael Díaz 51:42; 37º Brais Suárez 52:12 e Carlos Bautista 54:02 no 44º.
No tocante as mulleres a mellor sería Alba Pérez no posto décimo oitava con 55:51, estando acompañada por Rita Vázquez no posto 21ª con 55:58 e Salomé Segade no 25ª con 57:43 e co abandono de Sofia Campos
Os mellores resultados chegarían dos nosos Sub16 onde o equipo masculino quedaba as portas do bronce sendo Pablo Sánchez o primeiro dos galegos en entrar na línea de meta na sexta posición con 24:24. O resto de integrantes quedarían nos postos 14º para Andrés González con 25:33 e o 19º de Elías Klein con 26:54
Sen dúbida foi a selección femenina Sub16 quen centraría toda a atención xa que por equipos lograban un sensacional subcampionato de España cedendo só ante a potente selección catalana. De igual modo Oleksandra Kostenko entraba cun crono de 24:54 no terceiro lugar logrando o bronce individual . Os postos das restantes marchadoras foron de 8ª para Natalia Rivas 26.10; 14ª para María Martín 26:43 e de 23ª Aldara Meilán 28:06.
Campionato Máster
Pleno total dos máster no nacional da súa modalidade. Os catro marchadores que viaxaron ata Sevilla volveron cada un cunha medalla que pon de manifesto o importante nivel desta categoría.
Emilia Rodríguez do Trega proclamaouse campioa de España na categoría master 45 cun rexistro de 2h.00: 06 engadindo un novo metal máis ao seu amplo palmarés nacional.
Juan Morales do Marineda facía o propio na proba dos 20 km. máster 40 establecendo un formidable rexistro de 1h.32:35 e de paso logrando un novo récord galego da proba. Nesta mesma categoría sería segundo, e por conseguinte subcampión nacional, José Fernández do R.C.Celta quen chegaba por detrás do marchador do Marineda con 1h.35.32
A cuarta das medallas iría parar a Manuel Polo do Atletismo Narón quen nos 20 km. máster 45 marcaba un rexistro de 1h.42:33 servíndolle para lograr a prata nacional na súa categoría
Campionato de España de 50 km. e 35 km.
Antía Chamosa foi a protagonista no campionato nacional celebrado sobre os 35 km. A internacional da Gimnástica lograba parar o reloxo nuns fantásticos 2h.58:22 establecendo un novo récord de España Sub23 da proba e converténdoa nunha das marchadoras con máis proxección sobre esta distancia que será desde este ano, a proba oficial en sustitución dos 50 km.
Tanto Iria Rivas do Ría Ferrol nos 35 km. como Daniel Chamosa da Gimnástica nos 50 km. acabarían abandonando as súas respectivas probas.