Arrinca o I Circuíto de Atletismo Concello de Vigo
A Federación Galega de Atletismo a través da súa Delegación en Vigo, co patrocinio da Concellaría de Deportes do Concello de Vigo, organiza este ano 2026 o I circuíto de atletismo Concello de Vigo que se disputará nas pistas do Estadio Municipal de Atletismo de Balaídos.
Precisamente a primeira xornada arrincará o vindeiro martes 16 de xuño, para dar paso as dúas seguintes que serán o vernes 26 de xuño e o sábado 7 de novembro.
A clasificación final do I Circuíto de atletismo Concello de Vigo establecerase segundo as marcas acadadas por taboa WA, sempre para probas absolutas.
Premios
A relación de premios para cada especialidade (Carreiras/ Saltos / Lanzamentos) e sexo consistirá nun rofeo contmemorativo do evento por cada especialidade os cales entregaranse na gala anual do atletismo do Concello de Vigo a celebrar no mes de xaneiro do 2027.
Este circuíto súmase aos xa existentes en distintos puntos da nosa Comunidade, representando un importante engadido á oferta atlética federada.