Este domingo 15 de marzo arrinca as 08.15 horas a tempada de trail running 2026 en clave estatal e vaino facer no Concello de Caldas de Reis , coa 12ª edición do Campionato de España de Trail Running absoluto, sub23 e máster baixo a organización e colaboración de Federación Galega de Atletismo, a RFEA e o Concello de Caldas de Reis

Como novidade respecto a cursos anteriores, o campionato celebrarase separado do seu homólogo por federacións autonómicas. Con todo, si proclamará tamén aos campións de España de clubs.

Non estará presente ningún dos campións de Eivissa-2025, pero si dous corredores medallistas internacionais como son Fernando Borrajo (M60) Campión de Europa 2025 de Subida Vertical e Beatriz Román (F35), segunda clasificada nese mesmo europeo nas tres distancias de Subida Vertical, Classic e Long Distance.

A carreira consta de 43,2 km e parte da Praza do Camiño Portugués, á beira da Fonte Termal dás Burgas, cun desnivel positivo de 2350m.. Haberá avituallamento en diversos puntos do percorrido (kms 8, 14, 22, 29, 34 e 39).

A carreira resúmese en tres tramos, a primeira parte cara ao Monte Xiabre, dura, con desnivel e baixada técnica; a segunda parte é un tramo máis rápido ata a Fervenza Fridauga e finalmente unha última parte de tobogáns, con terreo irregular e rompepernas no Monte de Santa María. Tomarán a saída 63 atletas master (46 homes e 17 mulleres) desde os 35 anos, ata a M75.

O Campionato de España de Trail Running dispútase xunto ao Trail Laxe dos Bolos sendo a vez primeira que teña lugar en Galicia. O último campionato de España da modalidade fora no 2015 no Campionato de España de Carreiras de Montaña Classic en Esgos (Ourense)

Motivación extra

Ademais dos podios, o Campionato de España de Trail Running conta cun aliciente extra: as prazas para o Europeo Off-Road. reservados para o primeiro e a primeira clasificados quenes obterán a preselección directa para a cita de Liubliana.

Presenza galega

A este campionato acuden un total de 41 atletas galegs e galegos sendo a Comunidade cun maior número de participantes.

Entre a presenza destacada, estará o subcampión de España do 2025 Federico Losada (Castro Trail) tomando a saída na categoría M50.

A maiores tamén poderemos ver a participación das integrantes da Irmandiña do ano pasado: Rosa María Araujo (Running Sport Trail) na F40; María Martínez G. (At. Porriño) na F35; Tamara García (CD Biosbardo), Alexandre Otero (Montaña Vértice) e Rubén Insúa (A.D. Olimpia) na absoluta; e Marcos Antonio Pascual (Castro Trail) na M40