Ca chegada do mes de decembro, comeza a tempada de adestramentos da pista curta de Expourense. Como todos os anos o recinto feiral, xa reconvertido a instalación atlética, acolle a partir de mañá mércores día 3 os distintos adestramentos de cara a preparar as importantes competicións que están por vir para este 2025 e 2026.

Entre elas, compre  salientar as citas correspondentes ao Campionato de España de clubs Sub16 do día 20 de decembro;  o II Meeting Internacional de Ourense do 21 de febreiro e o Campionato do mundo en pista curta VIRTUS dos días 6,7 e 8 de marzo. A maiores, practicamente a totalidade de competicións autonómicas indoor celebraranse en Expourense e onde o Campionato Xunta de Galicia Absoluto do 14 de febreiro, será o máis importante a nivel autonómico. En total, preto de cincuenta xornadas de competicións condensadas en catro meses, polas que se estima pasen algo máis de 15.000 persoas.

Requisitos de acceso ás instalacións para adestrar

Lembramos que para poder acceder ós adestramentos da pista, primeiro compre estar en posesión da licenza federativa en vigor e segundo, cubrir un formulario de rexistro que xa se atopa operativo na páxina web da FGA.

De igual modo informamos que os hararios de apertura serán:

• Luns a a venres: 09:30 a 13:30 e de 15:30 a 21:30
• Sábados e domingos (que non haxa competicións) 09:30 a 13:30 horas
• Festivos: Pechados

Formulario de inscrición