Vilagarcía decidirá os podios do galego de media maratón
Como xa fixera o ano pasado, o Concello de Vilagracía acolle esta fin de semana o XXXIII Campionato Xunta de Galicia de Media Maratón absoluto, máster, Sub23 e Sub20 que xuntará na línea de saída da Avenida da Mariña as 10:30 horas, a preto de 350 participantes.
Entre a relación de inscritos figura a presenza da campioa galega da pasada edición Itziar Manso do Ourense Atletismo así como a do subcampión masculino Marcos Oro do At. Arenteiro que intentarán sumar o último título galego importante en ruta deste 2025.
Xunto eles na categoría feminina Leticia Barbosa que ven de proclamarse recentemente campioa galega dos 5K, será unha seria aspirante a estar nos postos de honra xunto á sadense Natalia García quen acredita unha das mellores marcas con 1h.22:06. Nos homes, agardada reaparición de Hugo García do At. Portugalete que volta á competición logo do seu accidente deste ano que o mantivo ausente varios meses dos circuito e quen xunto a Jordi Carrasco do S.D. Compostela co mellor rexistro dos participantes este ano de 1h.01.49, pasan por ser algúns dos atletas que estarán nos postos visibles da clasificación.
A maiores, no resto de categorías estarán intentando revalidar os seus títulos do ano 2024 Sofía Freaza do Comesaña S.C. na F40; Ana Isabel Soutullo do Ourense At. na F45; Jordi Carrasco do S.D. Compostela na M50 e Manuela Rodríguez do CD La Purísima na F55.
De entre todos os participantes compre salientar a presenza do máster 80 Julio César Constela do Atletismo+9 Moraña quen sairá co obxectivo de repetir o título logrado o ano pasado.