Un total de 30 equipos galegos tomarán parte esta fin de semana no Campionato de España de campo a través por equipos que se levará a cabo no circuito burgalés de Arqueoloxía experimental de Atapuerca.  Esta edición, ademáis de ser clasificatoria para o Campionato de Europa de Cros de Lagoa 2025 -que se celebrará o 14 de deciembro, “será unha das más multitudinarias da historia, con 474 equipos e 200 clubes participantes” segundo a RFEA.

Na relación de equipos participantes, figuran os campións galegos e os mellores conxuntos clasificados do pasado campionato autonómico en A Rúa, atendendo ao cupo de participación asignado pola RFEA  para cada Federación. Eles son:

• Absoluto homes: CCA Ría de Foz e CD Pinarium
• Absoluto mulleres: ADAS CUPA, S.Gimnástica e SD Compostela
• Sub23 homes: C.A.Narón e Celta Atletismo
• Sub20 homes: A.D.Fogar e C.A.Narón
• Sub20 mulleres: Atlética Lucense
• Sub18 homes: Celta Atletismo, S.Gimnástica e Riazor Coruña
• Sub18 mulleres: Ourense At., Riazor Coruña e S.Gimnástica
• Sub16 homes: Atlética Lucense, C.A.Narón e C.A.Sada
• Sub16 mulleres: A Gándara, Atlética Lucense e Ferrol Atletismo
• Remudas mixto: ADAS CUPA; CCA Ría de Foz; C.A.Sada e S.Gimnástica

Unha historial con acento moi galego

Desde o ano 1966 no que se disputaba a primeira edición do Campionato de España por clubs en Madrid, un total de 52 equipos galegos lograban proclamarse campións de España nalgunha das categorías ao longo destos cincuenta e nove anos.

En concreto, foi o equipo vigués do New Balance (nas súas distintas denominacións de NB-San Miguel de Oia e NB-A.C.) quen desde finais dos oitenta e principios dos noventa, impuxo a súa inapelable hexemonía que o conduciría a lograr  un total de  20 campionatos (21 se contamos o cros curto masculino do ano 2015) nas categorías absolutas, Sub23 e Sub20. O mítico equipo galego, que baixo a dirección técnica de Alfonso Ortega, chegou a contar ca presenza das grandes lendas do noso deporte tales como Julia Vaquero, Estela Estévez, Alejandro Gómez, Carlos Adán ou Carlos de la Torre entre outros, evidenciou como ningún a época dourada do campo a través galego.

Outro dos equipos destacados en canto a palmarés neste campionato, é o tamén conxunto vigués do Celta Atletismo, quen suma nas súas vitrinas un total de 19 títulos (11 en homes e 8 en mulleres). A formación celeste, tivo a honra de ser o primeiro equipo galego en proclamarse campión de España absoluto no ano 1968 e ademáis en ambas categorías, éxito que repetía na seguinte edición.

Xunto eles, o resto de equipos galegos que lograban algún título de España foron a Sociedad Gimnástica, no ano 1996 (Sub23 feminino) e no 1997 (Sub16 masculino); Atletismo Sierra Narón no 1997  (Sub20 mulleres); Vila de Cangas no 1998 (Sub18 homes); 1999 (Sub20 mulleres)  e 1999  (Sub16 mulleres); Mercantil de Vigo 1999 (Sub18 homes); Universidade de Santiago 2001 (Sub23 mulleres); Comesaña S.C. no 2004  (Sub20 mulleres); Ourense Atletismo no 2007 (Sub23 homes); Val Miñor no 2009 (Sub16 mulleres) e Atlética Lucense no 2021 (Sub16 mulleres), sendo o último equipo galego en lograr un título de España o ADAS CUPA no ano 2023 na categoría Sub23 mulleres.

New Balance. un grupo de cross de campanillas. Emlio Navaza “Vida atletica en Galicia”