Continúa avanzando un ano máis o Circuito de Carreiras Populares da Deputación da Coruña que este ano se achéga a súa décimo primeira edición.

No último treito do ano, e logo de que ata o momento se desenvolveran un total de 23 probas desde o pasado día 6 de abril, esta fin de semana serán as carreiras de Dombate e do O Pino,  quenes xunten a preto de oitocentas persoas entre as dous eventos

Ata o momento a clasificación provisional absoluta masculina está liderada por Juan Carlos Bergondo quen suma un total de 16 participacións e 143 puntos. Na categoría feminina é Silvia Sánchez quen suma 114 puntos cun total de trece carreiras quen se sitúa ao fronte da clasificación nun interesantísimo man a man con Elvira Tresguerras que está igualada a puntos con tres carreiras máis. Hai que ter en conta que esta clasificación esta suxeita a variacións xa que para obtar ós premios, compre ter participado nun total de vinte probas.

Moito ainda por disputar

Logo de ter pasado polos concellos de Toques, Vimianzo, Santa Comba, Padrón, Ponteceso, Frades, A Baña, Mazaricos, Dumbria, Ordes, Carballo, Zas, Valdoviño, Moeche, Carnota, Cee,  A Laracha, Zas, Ares, Noia, A Pobra, Corcubión e Ferrol serán, como xa indicamos, os concellos de Cabana de Bergantiños e de O Pino quenes acollan probas esta fin de semana.

Malia estar no último cadrimestre deste 2025, este circuito ainda conta con probas moi interesantes e importantes por disputar, entre as cales destaca a de Ames do vindeiro 19 de outubro que será, ademáis de carreira popular, campionato de España Máster de 5K. A maiores teremos por diante as probas dos concellos de Ribeira (27 setembro); Amaía (4 de Outubro); Fisterra (12 de outubro); Lestrobe (18 de outubro); Rianxo (1 de novembro); Negreira (2 de novembro); Boiro (7 decembro); Porto do Son (21 de decembro) pechándose esta edición ca disputa en Neda da súa IV San Silvestre que esta ano entraba no circuito.