O atletismo galego voltou esta fin de semana de Canfranc cun total de 11 medallas logradas tanto durante o transcurso do Campionato de España de subida vertical como durante o Campionato de España de Montaña desenvoltos o sábado e domingo respectivamente.

O máis destacado foron os títulos logrados polo atleta do ADAS CUPA  Elpidio Gómez, quen se proclamaba de campión de España na categoría M50 tanto sobre a modalidade de subida vertical como de carreiras de montaña.

Raquel Estévez do C.D. Pinarium, pola súa banda na categoría M55, lograba proclamarse campioa de España de subida vertical sumando outra medalla de prata no campionato de montaña.

De igual modo estiveron por partida dobre no podio os atletas do C.D. Biosbardo Federico Losada prata en montaña e subida,así como Emilio Montilla, quen remataba sendo subcampión en subida e bronce en montaña.

Na categoría Sub20, Julia Salvado do SD Compostela colleitaba unha excelente subcampionato de España en subida ao igual que tamén resultaron destacados os bronces da atleta do Arenteiro Lucía Peón na M40 sobre a mesma especialidade e o de Ramón Rodríguez do C.D.Biosbardo na M50 en montaña.

Para rematar, compre salientar os postos de finalistas logrados por Lucía Peón na F35 e Pilar González na F50 do Atletismo Arenteiro así como a de Roberto Salvado do SD Compostela na M50

Campionato de España Sub14

Lena Curras do Vila de Cangas e Zaida Chantada do Samertolameu, lograron esta fin de semana an Albacete a medalla de bronce durante o transcurso do Campipnato de España Sub14.

A atleta de Cangas tomaba parte no Triatlon B no que lograba un total de 1.585 puntos polos 1.745 que sumaban a segunda das galegas nesta cita.

Xunto elas foron tamén destacados os postos acadados por Alejandro Fernández do Vila de Cangas no Triatlon D ca cuarta posición, e as sextas posicións de Lía Vazquez da Gimnástica no Triatlón A e de Lara López do Ben-Cho-Shey no Triatlón B.