O atletismo galego estará amplamente representado no Campionato de España de Ruta nas modalidades de milla, 5K e medio maratón que se desenvolverá esta fin de semana na localidade insular de Pollença

A el acuden un total de 30 atletas ( once mulleres e dezanove homes) na procura de lograr un posto de podio e mellorar as catro medallas e sete postos de finalistas logrados o ano pasado en Albacete

Entre a relacion de inscritos figura a presenza do campión de España do ano pasado Manuel Suárez do Veteranos de Samil quen tomará parte na categoría M65 así como a tamén subcampia de España Soledad Leiro do SD Compostela quen o fará na categoría F50 sobre a distancia de media maratón

O campión galego absoluto dos 10.000 m. David de la Fuente do CD Pinarium, estará tomando parte na proba dos 5K na que o ano pasado lograra praza de finalista, ao igual que a representante do Celta Atletismo Eva Piñel quen tomará parte sobre a distancia dos 5 K.

A olimpica Julia Vaquero quen volve a competir,  desta vez cas cores do Veteranos de Samil, e a tamén internacional venezolana con ficha galega Edymar Brea do Vicky Foods, completan a relación de participantes galegas destacadas.

Un circuito que favorece os bos rexistros

Os circuítos polos que discurrirán as distintas probas terán como centro neurálxico o Porto de Pollença e percorrerán o litoral en trazados eminentemente planos, rápidos e con poucos xiros, incluíndo a milla, que só contará con dous xiros de 180 graos, algo que favorecerá as boas marcas.

En total, en Pollença as nosas e nosos representantes competirán xunto a un total de 358 atletas de 117 clubs distintos. Todas as probas do campionato poderán seguirse en directo a través de LaLiga+.