Logo duns anos de parentése a Federación Galega de Atletismo retoma a súa “Gala do Atletismo Galego”

Será en concreto o vindeiro día 30 de maio no Edificio Fontán da Cidade da Cultura de Santiago a partir das 20:00 horas, donde se de cita o máis destacado do atletismo galego ca finalidade de homenaxear a todos queles estamentos e personalidades que durante o ano 2024 acadaran méritos, logros ou resultados salientables para o noso deporte.

A primeira Gala do Atletismo galego comezou a celebrarse no ano 2007 no Auditorio Centro Social de Caixanova de Vigo. Desde ese instante foron celebrándose un total de doce edicións que percorreron os Concellos de A Coruña, Ourense, Lugo, Cerceda, Ribeira, Monforte de Lemos, Sada, A Pobra e  Valdeorras, sendo a última a que se levou a cabo a do Concello de A Estrada no ano 2019 .

Estímulo e recoñecemento

O obxectivo primordial deste tipo de acontecementos é o de por en valor e recoñecer dunha maneira pública e institucional o gran traballo dos nosos estamentos, así como de facelo extensible a outros sectores da nosa sociedade que se viñeran distinguindo polo seu apoio e promoción ao noso deporte.