O atletismo en ruta, xunto ás modalidades de pista, pista curta, trail e cros, move cada ano nos distintos concellos galegos, a milleiros e milleiras de atletas populares que buscan neste tipo de actividades, unha excusa perfecta para practicar deporte e manter uns hábitos de vida saudables.

Neste aspecto, son moitos os concellos e organizacións que traballan cada ano para organizar e preparar as distintas carreiras que enchen o calendario oficial de probas en ruta, e que de paso, buscan atraer ao maior número de atletas posibles ás súas edicións. Entre os varios motivos que se ofertan, ademáis dos sempre ben recibidos agasallos, trofeos ou premios e en metalico, está o feito de contar cun circuito homologado que permita ao participante ter un referente oficial do seu rexistro co cal ademáis, poder aspirar a entrar no raking galego oficial.

Neste aspecto, a nosa comunidade conta cun total de corenta circuitos homologados con data vixente, espallados ao longo das catro provinzas nos que salienta A Coruña cun total de 26 válidos. Xunto a provinza coruñesa, sitúanse as provinzas de Pontevedra con sete, Ourense con cinco e Lugo con dúas.

Con respecto as súas distancias, van desde os máis curtos de 1.000 metros e cuxas homologacións acreditan os concellos de Milladoiro (Ames), A Pobra, A Coruña e Marín, ata o máis longa da Maratón Atlántica de A Coruña.

O resto de circuitos homologados corresponden a Santiago, Guntín, Ames e Lourenzá na proba de Milla; Vimianzo, As Pontes, O Barco e Santiago nos 5K; Moaña, A Coruña, Ourense, Padrón, O Barco, Carballo, San Cibrao das Viñas, O Porriño, Narón, Santiago, Ferrol, Marín e Ames na 10K.

Neste ano 2025 algúns concellos e localidades, logo caducar a súa homologación, están traballando para recuperala. Entre eles están A Estrada, O Pedrouzo, O Pino, Xinzo, Negreira, Moraña e Ribeira.