A Federación Galega de Atletismo organiza este sábado día 25 o IX Campionato Xunta de Galicia de lanzamentos longos máster a partires das 10.15 horas na Cidade Deportiva de Vista Alegre de Ordes.

A esta cita acuden máis de medio cento de atletas en representación dun total de doce clubs procedentes de todas as provincias galegas.

Presenza destacada de campións e campioas de España

Entre a relación de participantes figura a presencia de varios dos campións de España do ano pasado na localidade murciana de Lorca entre os cales está o M60 Javier Viteri do Samertolameu quen tomará parte nos concursos de disco e xavelina.

Outra das campioas de España 2024, Angeles Rodríguez  do Club Atletismo Sada na F65, estará tomando parte nas modalidades de disco, martelo e xavelina, ao igual que Elisabet Pazo do Samertolameu na F50 sobre disco e xavelina.

Tamén estarán sobre Vista Alegre varias e varios dos plusmarquistas galegos como,  Carlos Ferrer do Samertolameu en disco e martelo,  Loreto Brea da Gimnástica en martelo ou Ana Abuín do Samertolameu a quen poderemos seguir sobre o círculo de martelo e o corredor de xavelina.