As rúas de Compostela presenciaron este domingo unha excelente edición do Campionato de Galicia de menores de 1.000 m. e do Campionato de Galicia de Milla en Roteiro.

A esta cita acudiron un amplo número de atletas na procura de ir avanzando cara unha certa normalidade que está facendo que sen deixar de aplicar en ningún momento o protocolo COVID-19, se poidan ir desenvolver probas desta modalidade de roteiro.

A ampla participación do campionato de 1.000 m., tería resposta ca non menos numerosa presenza de atletas que tomaban a saída sobre o Campionato de milla en roteiro e cuxo título na categoría feminina correspondeu a internacional Uxía Pérez do Playas de Castellón con 5:16. O subcampionato iría parar a tamén internacional Sandra Mosquera do Comesaña S.C a dez segundos da gañadora, sendo bronce a Zelinda Spencer do Oviedo Atletismo.

Na categoría masculina o triunfo foi para Pablo Bocelo do Coruña Comarca quen marcaba un rexistro de 2:48.  A cinco segundo chegaba o Campión de España no ano 2012 e gañador galego desta modalidade nas edicións 2013 e 2014, Victor Rioboo da Gimnástica, quen malia estár na actualidade centrado noutros proxectos deportivos e laboráis, acadaba o subcampionato e un novo récord galego categoría M40 con 4:32 . O terceiro posto correspondeu a Gustavo Santiago do Miller Runing Club cun rexistro de 4:39

Seis récords galegos batidos e un igualado

Nesta edición establecerónse cinco récords galegos entre os que salientamos os de  Esther Pedrosa quen cun rexistro de 5:54 xuntaba esta categoría F60 aos seus récords de F45, F50 e F55 sobre esta mesma distancia. Domingo Alvarez na Máster 65 con 5:49 sería outro dos plusmarquistas, ao igual que o xa citado Victor Rioboo.  Pola súa banda Abel Barros do +9 Moraña igualaba o récord galego na categoría Máster45.

A maiores nas categorías de menores Alex Sierpes establecía un récord  sobre os 1.000  Sub14 con 2:57 ao igual que Sabela Castelo do Vila de Cangas na mesma categoría con 3:05. Novamente Xela Martínez na Sub16 lograba co seu rexistro de 3:01 unha nova plusmarca galega máis que engadir ao seu palmarés.

Gañadoras e gañadores galegose galegas 2021

• Milla absoluta. Uxía Pérez (Playas de Castellón) 5:16 e Pablo Bocelo (Coruña Co.) 4:28
• Milla Sub23. Mariam Ferrán (C.A.Santiago) 5:51 e César Otero (Olímpico V.) 4:44
• Milla Sub20. C.Victoria González (A.Lucense) 5:50 e Iker González (A.Lucense) 4:40
• Milla Sub18. Carolina Santos (Ría Ferrol) 5:43 e Marcos Cibreiro (C.A.Fene) 6:01
• Milla Máster35. Zelinda Spencer (Oviedo At.) 5:26 José Sande (S.D.Compostela) 5:10
• Milla Máster40. Mar Arzúa (Moraña R.) 6:00 e Victor Rioboo (S.G.Pontevedra) 4:32
• Milla Máster45. Rebeca Soto (C.A.Narón) 6:12 e Abel Barros (At.+9 Moraña) 4:48
• Milla Máster50. Inés Papín (C.A.Sada) 6:02 e Fco. Javier Campos (C.A.Santiago) 5:16
• Milla Máster55. Soledad Castro (Comesaña S.C.) 6:22 e Jorge Veleiro (Burgas Ou.) 5:31
• Milla Máster 60. Esther Pedrosa (P.Castellón) 5:54 e J.Manuel Fernández (Verxel Nutrición) 5:28
• Milla Máster 65. Pilar Márquiz (C.A.Sada) 7:46 e Domingo Alvárez (Burgas Ou) 5:49
• Milla Máster 70. Antonio Hernández (Mochila D.) 7:49
• 1.000 m.  Sub10. Lena Curras (A.V.Cangas) 3:43 e Angel Refojos (A.V.Cangas) 3:41
• 1.000 m. Sub12. Lidia Balseiro (Maderas Barcia L.) 3:26 e Enrique García (Franciscanos L.) 3:17
• 1.000 Sub14. Sabela Castelo (A.V.Cangas) 3:05 e Alex Sierpes (S.A. Trega) 2:57
• 1.000 Sub16. Xela Martínez (A.Lucense) 3:01 e Lucas García (Cedeira M.G.) 2:52