Intenso e numeroso o Campionato de Galicia de Clubs Sub10, Sub12 e Sub14 o disputado no día de onte nas pistas de O Barco de Valdeorras que xuntou a 67 clubs e a preto dun milleiro de atletas.

A xornada da mañán daba comezo as 10:30 horas ca participación dos equipos Sub10 e Sub12 baixo un día na que os claros, nubes e auga íanse alternando. Malia elo, a verdadeira temperatura vivíase no tartán na que as gañas, a deportividade, e o entusiamo fixeron as delicias de todos cantos estaban presenciando o campionato nas ateigadas bancadas do Estadio.

Destacada actuación dos equipos locais, onde o ADAS Proinor na Sub10 e Sub12 masculina e o Ourense Atletismo na Sub12 feminina, proclamaríanse campións galegos por equipos. O triunfo na categoría Sub10 feminina iría cara ó conxunto do Club Atletismo Sada

Xa na xornada da tarde, sería o momento dos atletas da categoría Sub14 onde a nivel individual se viron destacadas actuacións tanto nas carreiras como nos concursos e na que o triunfo correspondería ó Atletismo Vila de Cangas en mulleres e ó Lucus Caixa Rural Galega en homes.