Uns trinta atletas galegos participarán os días 7 e 8 de maio no Campionato de España Universitario de Atletismo a celebrar nas Pistas de Atletismo Universitat Jaume I en Castelló, que se
inaugurarán con este evento, representando ás súas respectivas universidades, tanto galegas como do resto do Estado. Once foron as medallas conseguidas na edición anterior polas tres universidades
galegas. Nesta ocasión hai ao redor de cincocentos atletas inscritos, de 57 universidades.
Pola Universidade de Vigo, sétima clasificada o ano pasado entre un total de sesenta, os atletas Afonso Palomanes, Pablo Brieva, Lorena Luaces, Solange Pereira, Lucía Pérez, Eva Iglesias, Santiago
Ferrer, Víctor Galego, Sandra Mosquera, Esperanza Caldas, Noelia Ferradanes, Laura Graña e Iria Fernández.
Da Universidade de Santiago de Compostela, Carlos Villamor, Ester Navarrete, Iria Castro, Manuel Hurtado, Raquel Suárez, Lucía Curras e Rebeca Obenza.
Da Universidade de Coruña, Begoña Garrido, Roy Avellaneda, Manuel Uriz, Samuel Paz José Márquez e Denis Galán.
A todos estes, súmanse, entre outros, Víctor Riobó, da Complutense e Paula Mariño, UNED (Mais información)