Esta fin de semana Canfran centrará boa parte da información deportiva xa que nas súas contornas disputarese unha intensa actividade tanto nacional como internacional de Trail Running
Para comezar, o sábado día nove, poderemos presenciar a disputa do Campionato de España máster Classic 25 na que tomarán parte catro atletas da nosa comunidade . Ao fronte dos mesmos estará o responsable técnico do sector Ivan Sangiao a quen veremos compitindo tanto o sábado no campionato M35 como o domingo na proba da Copa do mundo.
Xunto a Sangiao estarán no estatal o medallista de bronce na M45 dos pasados campionatos galegos Abel Barros do Atletismo +9 Moraña así como Adolfo Garrido do Burgas Ourense e Emilio Montilla do C.D. Biosbardo na categoría M50.
Importante número de galegos e galegas na proba da Copa do Mundo
A maiores, e comezando o venres, a localidade oscense acollerá varias modalidades valedeiras para o campionato do mundo na que máis dunha vintena dos nosos e nosas representantes estarán participando. Será en concreto na proba classic, a que contará ca presenza da campioa galega de subida de montaña, e debutante nun campionato do mundo, María Martínez. Na categoría masculina o campión galego de Trail Pablo Camesscase do C.D. Delikia será o encargado de liderar unha proba na que repite logo do seu debut do pasado 2 de xullo na localidade portuguesa de Montemuro.
