Nunha agradable tarde de sábado, moitísimo ambiente atlético, en Marín
celebráronse os distintos Campionatos Galegos de Milla e 1 Km. en Ruta que contaron cun púbico entregado ao esforzo dos participantes. Nos dous Campionatos Galegos Absolutos celebrados (un por
sexo), os de Milla, impuxéronse os a priori claros favoritos, en mulleres Solange Andreia Pereira (Atletismo Bikila) cunha marca de 5.01 e en homes Víctor Riobó (Sdad. Gimnástica P.) con 4.32, unha
e outro dominaron cada proba con total autoridade máis aló de que a diferenza de tempo sobre segunda e segundo sexa distinta.
O podio de cada un deses dous campionatos absolutos, e ata os 8 postos que obtiveron premios económicos, completáronse do seguinte xeito, en mulleres segunda; Leticia Fernández (Ría
Ferrol-Concepción Arenal), que á súa vez era a campioa Promesa, en 5.05, terceira; Esther Navarrete (Atletismo Feminino Celta), que foi a que saíu moi decidida tirando na cabeza, en 5.07. A cuarta
e quinta clasificadas, que á súa vez se facían cos Campionatos Júnior e Xuvenil, foron do Comesaña Sporting Club, Carmela Cardama e Ángela González en 5.12 e 5.13 respectivamente, de sexta, en dura
loita con Ángela, entraba a segunda Xuvenil, Uxía Pérez (Atl.Tui-Thermalia) en 5.16, sétima e oitava eran do Sdad. Atl. Val Miñor, a segunda Júnior, Eva Cid en 5.19 e a segunda Promesa Jenny
Fernández en 5.20.
Nos homes, que correron algo máis agrupados, ocupaba a 2ª praza David González (Atl. Afflelou Narón) en 4.33 sendo 3º Fernando Vales (C. A. Santiago), que á vez era o campión júnior, con 4.34 e do
cuarto ao oitavo posto entraron no mesmo segundo por esta orde; Miguel Otero (Celta Atletismo) que lograba a Prata Júnior, Ivo Maseda (A.D.A.S. Ou Barco) que se proclamaba Campión Xuvenil, Adrián
Lago (Comesaña S.C.), á vez Subcampeón Xuvenil, Juan Pablo Fernández e Fco. Javier Iglesias, os dous do Sdad. Gimnástica de Pontevedra.
Os campionatos de 1 Km. por sexo e categoría foron para; Elva Vélez (Atlética Lucense) en 3.17 e Pablo Monteagudo (Atl. Noia) en 2.52 os cadetes. Sara Lima (C.S.C.R. Beade) en 3.22 e Noh Pereira
(Comesaña S. C.) en 3.06 os infantís. Degnes Mª Mato (Millaraio) 3.30 e Pedro Fidaku Santos (Sdad. Gimnástica P.) en 3.16 os alevines e Carolina Santos (Sdad. Gimnástica P.) en 3.39 e Sergio Prieto
(Atl. A Estrada) en 3.34 os benjamines. Resultados
