A Federacion Galega de Atletismo vai poñer en marcha este 2025 a segunda edición do Circuito Galego de Marcha Atlética que arrincará ca primeira xornada o vindeiro día 09 de febreiro coincidindo ca disputa do Campionato Xunta de Galicia da especialidade.

Logo do exitoso balance de resultados e de participación que deixaba a primeira edición do ano pasado,  desde o sector técnico de marcha quérese seguir apostando e potenciando por unha das especialidades máis importantes do atletismo galego.

Este ano repítense as seis xornadas do ano pasado, das cales ainda faltan dúas por confirmar, pasando por A Pobra, Cervo, Coruña e Ames.

• 09 de Febreiro, no Concello de A Pobra
• 12 de abril, no Concello de Cervo
• 04 de maio, pendente de sede por confirmar
• 07 xuño, no Concello de A Coruña
• 22 novembro, pendente de sede por confirmar
• 28 decembro, no Concello de Ames

Aposta de modelo

O formato de circuito competitivo non é novo no calendario de probas atléticas. Desde fai anos véñense sucedendo diversos modelos entre os que destacan os levados a cabo en pista, trail running e de maneira máis notoria en ruta, todos eles con grandes resultados a nivel deportivo e organizativo que está a facer que se estudie a posibilidade de implementar más especilidades nun futuro inmediato.