No día de hoxe o Delegado da FGA en Lugo José Manuel Peña e a Presidenta do Grupo Leche Río S.A, Carmen Lence Ferreiro, asinarían o convenio de colaboración a través da cal o importante grupo lácteo galego pasa a patrocinar principalmente a “Liga running Leyma. E para correr…Lugo”
A liga,que se estrearía xa o pasado día 12 de xaneiro ca disputa III Carreira Popular Concello de Castro Rei, estará formada por sete carreiras, cuxo sistema de clasificación e puntuación irase esteblecendo en base ós postos acadados en cada proba. Ó remate das mesmas haberá unha Gala Final onde se premiará en metálico as/os 3 primeras/os clasificadas/os absolutas/os, habendo de igual modo premios para os tres primeiros/as de cada categoría, así como vales canxeables por material deportivo para as categorías inferiores.
Xunto a Grupo Leche Rio S.A, tamén toman parte no patrocinio deste importante proxecto deportivo as entidades e empresas de Torre de Núñez, Deportes A Chaira, Atmósfera Sport e Caixabank e son
Probas da “I Liga de running Leyma. E para correr…Lugo”
- 12 de xaneiro: III Carreira Popular Concello de Castro Rei
- 01 de marzo: III Carreira popular Campus Terra Leyma (Lugo)
- Maio 2020: II Carreira Popular Concello de Cospeito (a designar data)
- 5 de xullo: VI Carreira Popular de Sande
- 10 de outubro: XI Carreira Popular de Xermade
- 17 de outubro: XII Carreira Popular Concello do Corgo
- 01 de novembro: I Carreira Popular A Pastoriza