Campionato de Galicia de Lanzamentos Longos Sub16 – Sub18 – Sub20

42º Trofeo de Campo a Través San Miguel de Oia

David Martínez, unha lenda silenciosa

Un dos patrimonios do noso deporte, constitúeno todos aqueles atletas que durante os seus ciclos deportivos foron quen de acadar logros e metas importantes e que a día de hoxe continúan en activo, non só en tarefas técnicas, si non mesmo competindo e axudando ca súa veteranía e experiencia ós máis novos.

Un deles é David Martínez Varela (Betanzos, 1967) que durante os anos 90 dominaría o concurso de disco chegando a tomar parte en nada menos que en tres Xogos Olímpicos (Barcelona-92; Atlanta-96 e Sidney-2000) e que actualmente continúa lanzando dende fai uns anos defendendo as cores do Atletismo Narón na categoría máster 50.

A presenza deste triolímpico polas pistas, fai posible curiosidades tales como as que se presenciaron o ano pasado no Campionato Galego Absoluto de Pontevedra. Durante a final de disco chegaría a coincidir con outra lenda da especialidade, Frank Casañas, dándose a irrepetible circunstancia de que entre os dous sumaban nada menos que… ¡¡sete participacións olímpicas!! (oito si temos en conta a súa coincidencia en Atenas-2000), todo un auténtico luxo para os alí asistentes.

Pois ben, tendo en conta que esta fin de semana será en Birminghan o Campionato de Europa de Clubs, e na que por certo toman parte como xa informamos, Solange Pereira, Saleta Fenández, Raquel Meaños e Mauro Triana cos seus respectivos equipos, é de recibo lembrar que David Martínez continúa sendo o atleta español quen a día de hoxe figura con máis títulos de Campión de Europa de Clubs con nada menos que seis copas, todas elas acadadas co lexendario club Larios dende os anos 1990 a 1996.

Toda unha parte da historia do atletismo galego.

Currículo David Martínez

 

 

 

 

Compartir: