Magnífico debut de Eva Queimaño ca Selección Española

Nun intenso fin de semana plagado de acontecementos relevantes para os intereses galegos, outra importante nova non menos destacable acontecería na localidade lusa de Pombo onde se desenvolvería o “Trofeo Ibérico Xuvenil de Probas Combinadas” e na que a atleta do Atletismo Femino Celta, Eva Queimaño, estrearía internacionalidade.

O debut da pupila de David Gómez (tamén presente como técnico ofical da selección) non poido ser millor xa que acadaría a cuarta posición a tan só catro puntos da medalla de bronce sumando un total de 3445 puntos o que supón ademáis unha MMP. Os seus rexistros serían de 9,04 nos 60 l.; 1.63 m. en altura con MMP; 10.27 m. en Peso con MMP; 5.10 m. en Lonxitude e 2.33.64 nos 800 m.