Un total de 17 atletas (5 homes e 12 mulleres) compoñen a representación galega que participará esta fin de semana en Antequera no campionato de España cadete en Pista Cuberta. Entre os homes estarán Alejandro Parcero (60m), Pablo Rodríguez (300m), Abraham Rodríguez (600 e 1000m), Adrián Vázquez (1000m) e Alexander Barreiro no triple. A expedición femenina, mais numerosa, está composta por Alba Villaverde, Shiela Gonçalves, Claudia Torres e Elena Freiria nos 60m, está última tamén no triple, Miriam Otero en 300, Elba Vélez e Raquel Meaños no 600, Claudia Blanco e Iria Rodríguez nos 1000, Aida Martínez e Iria Causin nos 3000 e finalmente, Raquel Peña na pértega.
