Expourense énchese esta fin de semana de atletismo base ca disputa dos Campionatos Xunta de Galicia Sub10, Sub12 e Sub14 que xuntarán a un importante número de rapaces e rapazas achegadas de todos os recunchos da nosa comunidade.
En concrerto serán entre os dous días, un total de 1.278 os atletas que pasen polo recinto cuberto para tomar parte nas distintas carreiras e concursos organizados para as súas categorías.
Categorías base de Sub10, Sub12 e Sub14
Ábrese esta importante cita para o atletismo base galego, o sábado a partir das 10:00 horas ca presenza dos máis cativos,os Sub10, a quen veremos participar nas súas distintas probas ata as 14:00 horas. Xa pola tarde, será o momento de ver en acción aos Sub12 quenes de igual modo, estarán competindo e aprendendo desde as 16:30 horas ata as 20:30.
Para o domingo, e en xornada continúa de 11:00 a 17:30 h. será a quenda para os Sub14 no que máis de medio milleiro de atletas (509) están chamados a tomar parte en representación de practicamente todos os clubs galegos.
O programa de probas, que comprenderán as modalidades dos 50 m., 60 m., 500 m., 1000 m., altura, lonxitude e peso, estarán formadas por varios grupos e distintos tipos de finais co obxectivo de permitir participar ao maior número de atletas posibles dentro das limitacións técnicas.
Aprendizaxes e motivación
Máis alá de resultados, medallas e rexistros, o que se pretende e de convertir estes campionatos nunha gran aprendizaxe e experiencia que sirva como estímulo e motivación de todo este importante número de participantes. Valores, compañeirismo, esforzo e deportividade marcarán esta xornaada que pasan por ser a máis importante e fermosa de presenciar, de todas cantas compoñen o programa de probas federadas.